COTABATO CITY - Muling nagsilikas ang mga sibilyan sa lalawigan ng Maguindanao nang magkasagupa ang pwersa ng Moro Islamic Liberation Front (MILF) at Bangsamoro Islamic Freedom Movement (BIFM) sa Sitio Maligaya, Brgy Kitango, Datu Saudi Ampatuan, Maguindanao dakong alas-6:40 kagabi.
Isang sibilyan ang tinamaan ng ligaw na bala na nakilalang si Kasan Lauban sa 30 minutong palitan ng putok sa magkabilang panig.
Natigil ang engkwentro nang dumating ang Task Force Itijad ng MILF at nagkaroon ng negosasyon para ayusin ang gusot.
Dahil dito maraming mga sibilyan ang nangangamba sa kanilang seguridad dahil nasa paligid lamang umano ang mga rebelde at anumang oras ay posibleng sumiklab muli ang sagupaan.