China sa Japan: Pagbili sa disputed islands may 'serious consequences'

TOKYO - Inalmahan ngayon ng China ang desisyon ng Japan na bilhin ang isla sa East China Sea na kapwa inaangkin ng dalawa bansa.

Ito'y makaraang inanunsyo kahapon ng Japanese government na nagdesisyon itong bilhin ang Senkaku island o tinatawag na Diaoyu ng China, mula sa mga pribadong may-ari.

Kaagad nilinaw ni Japanese Chief Cabinet Secretary Osamu Fujimura na ang pagbili sa disputed islands ay dahil sa hangarin nila na magkaroon umano ng "stable and secure environment" at hindi para galitin ang Beijing.

Umaasa aniya silang walang magaganap na hindi pagkakaunawaan sa kanilang gagawin.

"We hope there will be no misunderstandings," ani Fujimura.

Subalit mabilis na sumagot ang China at binalaan ang Tokyo na may "serious consequences" kapag itinuloy ang plano.

Sinabi ng Chinese Foreign Ministry na hindi sila uupo lang habang nilalabag na ang kanilang soberenya.

"(Beijing will not) sit back and watch its territorial sovereignty violated," ayon sa Chinese Foreign Ministry. "China strongly urges Japan to immediately stop all action to undermine China's territorial sovereignty and return to a negotiated settlement to the dispute. If Japan insists on going its own way, it will bear all the serious consequences that follow."

Kaagad ipina-summon ni Foreign Minister Yang Jiechi ang Japanese ambassador sa China para iprotesta ang plano ng Tokyo.

Inihayag ni Fujimura na ang desisyon na bilhin ang pinag-aagawang isla ay nabuo sa pagpupulong ng Cabinet ministers.

Ngayong araw inaasahang aaprubahan ng Cabinet ang nasabing plano.

Napag-alaman na hindi kinikilala ng China na lehitimong pag-aari ng Japanese family ang nasabing isla.

Bukod sa China at Japan, inaangkin din ng Taiwan ang Senkaku islands. (AP)


http://bomboradyo.com/news/internati...sputed-islands



Sabog na siguro itong mga official ng china puro nalang sa kanila lahat.



Br.